السلام عليكم ورحمةالله وبركاته

ازيكم يااحلى صحبة فى الله

كنت قاعده بفكرمع نفسى فى حالى


بقول ايه الهبل دا؟؟؟

انا بعمل فى نفسى كدا ليه

بصحى الصبح بجرى ع المطبخ يدوب الفطار واجرى اجرى ع الشغل مهى العيشه بقت صعبه ولازم اساعد

ممكن يكون جوزى لسه نايم لحد مااكوى هدومه لو متكوتش واحضر الفطار والمع الجزم واطلع اكل الغدا

ممكن يقوم هو براجته على الفطار يفطر ويلبس ويمشى

اجى ولسه مكملتش الطاحونه اللى انا دايرة فيها

غدا وطفل صغير بيعيط وانتى نفسك فى 10دقايق بس تريحى
تغيير بامبرز وممكن تكونى حامل تانى كمان وتعبانه

تقعدى مع اولادك

او لوحتى طفل لازم تقعدى جنبه طول ماهو صاحى

مين فينا مبتعملش كدا حتى لوقاعده فى البيت؟؟؟؟

لوخرجتى ممكن تقعدى تلفى فى السوق على ايه المحل الرخيص عشان اللبس

اومين بيبيع خضار اقل

تقعدى تدورى على العروض والخصومات لحد مارجليكى تتهرى من المشى وتروحى والجزمه خلاص دايبه من كترالمشى ورجليكى مولعه نار

مين فينا ماتسخسرتش فى يوم تركب تاكسى وقالت ما المشوار قريب اخد المشوار كعابى احسن
او اركب اى حاجه تروحى تركبى ميكروباص اللى يضايقك واللى يزنق عليكى

مين فينا قعدت تعمل بيتزا وبسكوت وفطير فى البيت والفرن خلاص ولع فيها وفى الاخر جوزها يدخل عليها يلاقيها بتعمل كدا يقولها ياخسارة المزز اللى فى الشارع

ايه اللى انتى لابساه دا؟؟؟؟؟

ومخدش باله حتى من انها واقفه بالساعات تعمل عشان حاطره

وفى الاخر تلاقى ناس صغيره جدا

اللى جالها خشونه فى رجليها

واللى جالها الديسك فى طهرها

واللى تبص لنفسها فى المرايه تلاقيها كبرت 20سنه زياده

طب ليه كدا؟؟؟

ايه بنعمل فى نفسنا كدا؟؟؟

حبيبتى نفسك تستاهل احسن من كدا

ليه تبهدليها معاكى وفى الاخر تقولى ضحيت ومحدش حاسس

ليه؟؟؟

حبيبتى وسطنى حياتك

مش ال10جنيه اللى هتوفريها تمن الركوبه هى اللى هتسعدك

دا بدل ماتبهدلى نفسك وتعرضي نفسك لاقدر الله لمرض او تعب

او اللف على المحلات واللى ارخص جنيه واللى ارخص 5جنيه

حبيبتى خدى بالك من صحتك بدل مانرجع نقول دى تعبت ولازم يتجوز عليها دى كبرت ياعينى وعجزت

شوفى انتى عملتى كدا ليه

بصى فى المرايه شوفى نفسك

انا والله مش ضد التوفير

ولا عمايل الحاجات فى البيت بدل الشراء

ولا مع التبذير اصلا

بس كل حاجه بالعقل

اهتمى ببيتك وجوزك وولادك

بس مش على صحة نفسك

خللى ليكى هواياتك

مكانك اللى تتعبدى فيه لربك يكون حاجه خاصه كدا مش كل دماغك دنيا دنيا والبيت والعيال

وزى ماجوزك ليه الحق انه يشوفك باحلى منظر

انتى كمان من حقك تحسى باهميه نفسك

تحسى بذاتك وكيانك

متتقلبيش خدامه بالساعه

الخدامات ممكن لو ربنا رزقك تجيبيهم يساعدوكى

لكن صحتك ونفسك وكونك ام او زوجه

عمره ماهيتشرى بفلوس

حبيبتى خدى بالك من جوزك

هو ممكن يتعشى او يتغدى الموجود

ويلاقيكى جنبه لما يحتاجلك

اكتر من انك تعمليله اكل عمره ماداقه

وميلاقيكيش فى احسن صورة

هونى على نفسك

بلاش تيجى عليها

كل حاجه بالعقل كويسه

ربنا يرزقنا الصلاح يارب

بس دى مش دعوة للفشل

دى دعوة للحياه

حبى نفسك الاول

هتلاقى كل حاجه جميله

متنسينيش فى دعائك

لو معجبكيش كلامى ارميه فى البحر

بس انا والله بانصح نفسى قبلك

ربنا يرزقنى واياكى الصلاح

والسلام ختام