مين فينا لما بتتغاظ من حد اوى وبينها وبينه حاجه لو اعطالها هديه او كان مسافر وجابلها حاجه من برا مبتقولش اللى ييجى منه احسن منه

مين فينا وهى متضايقه من شخص غصب عنها او بارادتها بتتكلم عنه وحش اوى ونفسها تفضفض مع حد وتقعد تذم فيه وتقول وتعيد وبعد ماتخلص بتحس بلذه وقتيه كدا وترجع تانى تضايق وتحس ان فيه جبل على قلبها واسوداد عظيم فيه وضيق صدر وحقد

متاسفه

بس انا عارفه ان كلنا كدا

حماتك اختك اخت جوزك صاحبتك اوحتى جوزك نفسه

بجد حاجه تضايق

لاهما مريحينا فى حياتنا ولا مريحينا فى الكلام عنهم

وقلوبنا بتتملى سواد على الفاضى

ومبقاش قلب صافى

تيجى تصللى او تقرى قران مش قادره

شغاله حسبنا على الفاضى

ودمك محروق

وفيه حاجه بقى اهم

انتى مش واخده بالك منها

هم بيحرقوا فى دمك

وبيحرقوا فى حسناتك

الاول ربنا يهديهم ويهدينا

ثانيا

كل كلمه عن اى حد متضايقه منه بغيبه او نميمه حسناتك بتتحرق زى ما النار تحرق الهشيم

تعالى كدا معايا لحظه

انتى اتكلمتى عنهم

ايه اللى كسبتيه

؟؟؟؟؟؟؟؟؟؟

حرقه دمك

غل اكتر

تفكير اكتر

حياتك اتدمرت

تفكيرك مشغول بيهم

صح ولا؟؟؟؟؟؟؟؟

متيجى نقول اللى ييجى منهم احسن منهم ونكسب حسنات على حسابهم احسن

طب هتقولى ازاى؟؟؟؟؟؟؟؟؟؟؟

اقولك؟؟؟؟؟؟؟؟؟؟؟

اول ماييجى سيرتهم او تفكرى فيهم هتقولى ايه؟؟؟؟

ربنا لاتجعل فى قلوبنا غلا للذين امنوا

او

ربنا يهديكم يارب

ولما هما يتكلموا عنك بالشر فى وجودك او عدمه هتكسبى ثواب متتخيليهوش

والكاظمين الغيظ والعافين عن الناس

عارفه انها صعبه

لكن بالتعود والله كل شىء سهل

طب بس جربى

وحاولى تشغلى نفسك فى حالك ياحبيبتى ربنا يسعدك ويفرح قلبك

صدقينى انتى اللى فى ايدك تسعدى نفسك وتغيرى من نفسيتك ونفسية جوزك وعيالك

كل ماتبقى متضايقه اعملى حاجه جديده واشغلى نفسك بيها مع الدعائين دول

الكلمه الوحشه مبتلزقش

والموقف الوحش بيلف والله وييجى على الظالم

كلام بيضايقك متسمعيهوش

موقف وحش حوليه بصنعه لطافه لحاجه مضحكه

اطلبى منهم يدعولك

اه

والله

قوليلهم ادعولى اوى

انا محتاجه دعائكم

كلنا هنموت ومش هبفضل غير دعائكم ليا ربنا يخليكو

واتكلمى عن الاحباءفى الله بيموتوا ويحشروا تحت عرش الرحمن

روحى لحماتك

قوليلها انا خايفه اوى من حشر القبر دا

ادعيلى ياماما

كلميهم عن الاخره

وان الانسان بيعيش حياه قصيره مش مستاهله يعادى حد عليها

اطرشى ودانك لو كلمه معجبتكيش

والابتسامه متفارقش وشك

خدى منهم حسنات

الابتسامه صدقهيا سلام

واحده بتحكى

كانت حماتها دايما بتحب سلفتها اكتر منها عشان بس تغيظها

لانها احلى واذكى واكتر عقلا

لما كانت تروح عندها كانت بتلاقى معامله مش وحشه

لكن كلها غيظ وحقد وحسد

فكرت اختنا دى بعد ماتعبت جداجدا انها تشغل وقتها فى الفتره اللى هتقعدها عند حماتها بدل الكلام

الاول كانت بتستغفر كتييييييييييييييير

وتصللى على النبى كتيييييييييييييييييير

طول ماهى قاعده

ولا هى معاهم خالص

بيقعدوا بتكلموا ويضايقوها

وهى مش سامعه اصلا

كانت تبتسم

طبعا زاد الحقد عليها ياعينى

وبعد كدا كانت تشتغل طول ماهى قاعده

تغسل مواعين تنضف تعمل اى حاجه لحماتها طبعا دا بدون مقابل

دا لوجه الله

لا ومتغاظه منها كمان

بعد كدا كانت تلم اطفال العيله وتحفطهم قران

بعد فتره الاطفال حفظوا كتير من القران فى القعده البسيطه دى

سبحان الله

شفتى قدر الله

كتبلها حب طوب الارض ليها

مهو من جعل همه هم الاخره

كفاه الله ما أهمه فى الدنيا

كل اللى هتعمليه فى ميزان حسناتك

والكلمه داين تدان

يارب اكون افدتك بكلامى

وادعيلى دعوة حلوة بظهر الغيب ربنا يكرمك