معانا حتكونى اجمل الحلقه الثامنه بعنوان الحجاب ... الجزء الثانى

تاريخ التسجيل : 29/11/2011

الحلقه الثامنه
بعنوان
الحجاب ... الجزء الثانى

السلام عليكم ورحمة الله وبركاته
_ وعليكم السلام ورحمة الله وبركاته

_ازيك ياقمرى ... عامله إيه؟!
_الحمد لله .....

_الـ ....
_ إيه ده ... انتى مش واخده بالك من حاجه ؟!!!!

_.........؟!!! أيوه صحيح ...

مبرووووووووووووووووك ...
_الله يبارك فيكى .....

_ بسم الله ماشاء الله .. زى القمر ...
شوفتى بقى ... عرفتى شكلك هيكون إزاى ؟!!
_أيوه طبعا ... فى أجمل من كده ؟!!

_******ه... بـــ
_أظن كده أن بقيت تمام ...

_آ......
_وأعتقد مافيش أى كلام ....

_إيه... رغى ... رغى ... خلينى أتكلم .....
_سورى ... مش أخدت بالى من فرحتى ...

أصل أنا فرحانه أووووووووووى وحاسه أنى مرتاحه أوى أوى كمان ...

ونفسى كل البنات تحس بنفس إحساسى ...
مش عارفه أوصف لك فرحتى إزاى ....

_جميل أوى كلامك ... وشعورك كمان ..

بس عشان فرحتك تكمل
وكمانتفضلى محافظه عليها
أنا عندى تعليق صغنون أوى .....
_اتفضلى .....

_ انا فرحانه ليكى بجد أنك لبستى الحجاب
وأنك كمان حسيتى بالفرق

وعرفتى الحجاب بيعمل فينا ايه .....
أنتى بقيتى كده تمام ....

بس مش تمام أوى ...
_ ....؟!!!!

_ دلوقتى ... انتى آه لابسه الحجاب ...

بس مش لبساه ...
_ يعنى إيه ... ؟!!!

_ يعنى أنتى عندك الآية واضحه وكلام ربنا

واضح كمان أوى لينا ...

اسمعى كده الآية تانى

( ... وليضربن بخمرهن على جيبوهن ...)
الأول انتى عارفه يعنى إيه الجيوب ؟!!
_ مش ده اللى بنشيل فيها الفلوس والحاجه بتاعتنا ؟!!

_ تمام .. ده حاجه منها ...
بس المقصود فى الآية غير كده ...
_...... !!!!

_الجيب المقصود فى الآية الكريمة ....
هو كل فاتحه فى هدومك اللى أنتى لبساها ...

من فتحة الرقبة... وغيرها ...
_ .....!!!

مش فاهمه أنتى عايزه تقولى إيه ...؟!!!

_ اصبرى بس وانتى هتفهمى ...
دلوقتى أنتى عامله الطرحه بتاعتك اسبنش ...

جميل أوى ...
بس مش لما أكون فى الشارع ...
_ وإيه اللى فيها ..

مش انا مغطيه شعرى وده المهم ... ولا إيه ؟!!

_ آه فعلا مغطيه شعرك ...
بس فى حاجات تانيه كمان لازم تتغطى فى جسمك ...
_.... بــ

_ استنى شويه ...

هاقولك عليها دلوقتى بس ايه رأيك نفهم الآية الأول

وليه ربنا قال لنا كده ومش قال لينا مثلا
( ولترتدين الحجاب.. ) او ما شابه ... ؟!!
_اممم ... مش عارفه

يمكن عشان يأكد علينا لبس الحجاب ؟!!

_ مش بالمعنى ده أوى ...
_.... امال ؟!!!!

_أقولك ... زمان قبل الاسلام كانت البنات والنساء فعلا محجبات ...

ولما ربنا بعث لينا سيدنا محمد صلى الله عليه وآله وسلم
والاسلام بدأ ينتشر وتعاليمه تتنشر بين المسلمين ..

ربنا أمر سيدنا محمد يؤمر المسلمات بتعديل الحجاب ...
_ ....!!! مش فاهمه حاجه خالص ...!!!!

_ ببساطه ... زمان كانوا محجبات بس كانت الطرحه بيلبسوها لورا ..
زى الاسبنش كده النهارده ...

فربنا قالنا بدل ماترجعى الطرحه لورا ...

هاتيها قدام ... وبكده تحمى نفسك وتحافظى عليها كمان ...
_ إيه الكلام ده ... أنا أول مرة افهم الآية كده ...

بس بردوه إيه الفرق

مش المهم أنى مغطيه شعرى وخلاص ؟!!!

_ لاء طبعا ... الحجاب مش تغطية شعر وبس

وإلا كانت كل واحده حطت الطرحه على شعرها
ومشيت والهوى يلعب فيها يمين وشمال

ومايبقاش ليها لزمه ساعتها ...!!!

_ أمال إيه ؟!!
_ الحجاب تذكرة حماية وأمان وصيانة ليا من عند ربنا...

لان ربنا بيحبنا أوى...

عشان كده ربنا سبحانه وتعالى عايز يحافظ عليا كبنت

وعايزنا نحافظ على نفسنا ونحميها من كل اللى يضرها ...
فبالتالى عايزنى اغطى جسمى كمان مش شعرى وبس ....
_ ما أنا مغطيه جسمى ... وشعرى كمان ...!!!

_ طيب ... قوليلى دلوقتى لما تكونى عامله اسبنش ...
أولا مش رقبتك بتكون باينه ...

ثانيا كل ملامح جسمك بتكون باينه للكل
وبكده ولا كأنى عملت أى حاجه ...
مش المفروض إنى اعمل الحاجه كامله
عشان يكون شكلها أحلى ولا إيه ؟!!!
_ طيب .. ما أنا ممكن أغطى رقبتى وبكده تبقى اتحلت ... !!!

_ والباقى ؟!!
_......؟!!!!

_ يبقى من الأفضل اسبنى خالص من الاسبنش ديه وألف الطرحه عدل ..
بدل ما أخليها كلها لورا ومغطيه شعرى بس ... أخليها تغطى جسمى كمان ..
يعنى أخليها لقدام وأطولها شويه عشان أكون فى السليم

وكمان صدقينى شكلك هيكون أحلى كتير اسألينى وأنا أقولك ...
_ طيب ... افرضى أنا عايزه اغير واعملها اسبنش ...

مثلا رايحه مناسبة أو خارجه مع بناتى صحباتى ....!!!!

_قوليلى هو مش ينفع أكون رايحه مناسبة أو خارجه مع صحباتى
غير لما أكون عامله اسبنش ؟؟!!
_لاء .... عادى يعنى ...

_خلاص ... يبقى ايه لزمة الاسبنش

طالما انه عادى يعنى؟!!
_ولاحاجه ..... !!!

_يبقى احنا اتفقنا ... وبعدين إن كانولابد يعنى

أقدر اعمل كل اللى أنا عايزاه فى البيت ...

واعيش براحتى طالما مش فى الشارع وبنفذ أمر ربى تمام ...
_ أيوه فعلا... عندك حق .....

_يبقى .....
_مافيش داعى للاسبنش ....

أصلا مش ليها لزمة ....

انا أقدر اعمل بالطرحه لفات أحلى كتير
وكمان يكون شكلى حلو وبنفذ كلام ربى من غير ما أزعله منى .....

_ الله ينور عليكى ...
هو ده الكلام الصح ...
دلوقتى بس أقدر اهنيكى من كل قلبى وارتاح تماما...
ربنا يثبتك كمان وكمان ....
_ يارب ...

_المرة الجايه إن شاء الله عايزه أشوفك أجمل من كده كمان ...
_ إن شاء الله .... طول ماأنتى معايا .....

_طول ما ربنا معانا وواثقين فيه .....
_صح .... طول ما ربنا معانا
وواثقين فيه هنكون أجمل وهنفضل أجمل ...

_ أيوه كده ... دلوقتى بقى حان وقت الرحيل ...
_ماشى ... وانا هستناكى
عشان أعرف المرة الجايه هنتكلم عن إيه ...

_ إن شاء الله ... ربنا يسهل ..
_ يــارب ...

_ السلام عليكم ورحمة الله وبركاته
_ وعليكم السلام ورحمة الله وبركاته

__ سبحانك اللهم وبحمدك ... نشهد ان لا اله الا انت ... نستغفرك ونتوب اليك
__ سبحانك اللهم وبحمدك ... نشهد ان لا اله الا انت ... نستغفرك ونتوب اليك