السلام عليكم ورحمة الله وبركاتة

حبيت اجمع لكم كل ما قيل عن الحموات من امثال فى موضوع واحد فى امثال قلتها وفى امثال جديده يلا نبدأ
(ان كتر ضحك حماتك خاف على نفسك وحياتك)هههههههههههه يا ساتر يا رب ليه بس ماهو بردوا انت جوز بنتها بلاش تخاف اترعب بس هههههههههههههههه
( الحما حما وام الزوج عقربه سامه ) يلا علشان البنات مش تزعل حتى ام الزوج خلوها عقربه سامه ال سامه ال ما كل العقارب سامه هو فى عقارب أليفه؟ هههههههههههههههه
( انكوى بالنار ولا حماتى تقعد فى الدار ) ههههههههههههههههه يا ساتر يا رب لا تقعد براحتها ال نار ال هو العمر بعزقه هههههههههههههههههه
( بحبه انا احبه وموت اكره امه ) هههههههههههه ليه بس كده يا مدام حبى امه علشان يحبك بردوا
( بوس مراتك تفرح حماتك ) هههههههههههه اه بوس مراتك علشان تحبك حماتك اى خدمه ههههههه
( بوس ايد حماتك علشان تحبك مراتك ) ههههههههه المره دى اجبارى لازم تبوس ايد حماتك علشان تحبك مراتك ولا ايه ؟ ههههههههههه شاكل الرجاله بيقولوا وعينيهم حمرا وهيضربونى ايه هههههههههههه
( دايما يا حماتى تتنمى مماتى ) لا كده كتير وظلم ازاى ام تتمنى موت جوز بنتها كل ام بتحب الخير لبنتها اكيد
(على ابنها حنونه وعلى مراته مجنونه)ههههههههههههه مش قوى كده ما الام ام بردوا بيهما سعاده ابنها ولو مرات الابن بتسعد جوزها هتكون فى منزله الابنه عند حماتها اكيد
(علشان طيبه حماته مستحمل قرف مراته) هههههههههه اهو نصفوا الحموات اخيرا لكن لو الحماه طيبه بنتها بتكون غالبا طيبه ما المثل بيقول( اكفى القدره على فومها تطلع البنت لامها ) صح ولا انا غلطان؟
(علشان حبه لمراته مستحمل نكد حماته) فعلا لو الزوج بيحب زوجته هيستحمل نكد امها يلا بقى الحب بهدله ههههههههههههههههههه
(قال حماتى قرفانى قالولوه طلق بنتها ) لااااااااااااااااااا كله الا الطلاق طالما مراتك طيبه وبتحبك استحمل حماتك وحاول تخليها تحبك وده سهل جدا مش صعب المعامله الحلوه بتحنن قلب حماتك ولو حجر
( ما قدر على حماته حط همه فى مراته ) طيب ليه تنكد على مراتك ذنبها ايه وراعى بردوا ان حماتك تبقى ام مراتك يعنى لازم تحترمها لان لو مراتك مالهاش خير فى امها اكيد مالهاش خير فيك وبالصبر والمعامله الحلوه حسس حماتك انها زى امك صدقنى اكيد هتحبك وتعاملك زى ابنها تعرف ليه؟
كل ام فى الدنيا بيهما سعاده ابنها او بنتها
يا شباب ويا بنات الامثال دى للفرفشه فقط لكن عاملوا حمواتكم بحب واحترام تكسبوا محبتهم باذن الله

مسيرك بامرات الابن تكوني حمأة( أي بمعني في يوم من الايام ستصبحين أم زوج لازواج وزوجات أبنائك وعندما تتحملينها وتعامليها بالحسني سيزيد قدرك عند زوجك وأهل زوجك ولا تنسي أبنائك فالطفل كالاسفنجة يمتص التصرفات وأنت مدرسة الابناء فبتعاملك مع حماتك يتعلم الابناء أحترام الصغير للكبيروعندما تكبرين في السن سيردون لك المعاملة بمثلها وقأل
رسول الله "ليس منا من لم يحترم كبيرن"ا